विभागीय टिम आर्मीलाई एएफसीको क्लब लाईसेन्स प्राप्त
काठमाडौं । विभागीय टिम आर्मीले एएफसीको क्लब लाईसेन्स पाएको छ । लाईसेन्स प्राप्तीका लागि आवश्यक मापदण्ड पुरा गरेसँगै विभागीय टिमले एएफसीको क्लब लाईसेन्स पाएको एन्फा अध्यक्ष कर्माछिरिङ शेर्पाले जानकारी दिए । नेपालको इतिहासमा नै एएफसीको क्लब लाईसेन्स पाउने आर्मी पहिलो क्लव भएको उनले बताए ।
क्लब लाईसेन्स प्राप्त गरेसँगै आर्मीले एएफसीका प्रतियोगिता खेल्न पाउनेछ । उनले फुटवल क्षेत्रको थप विकास लागि ढोका खुलेको पनि बताए । यसअघि आर्मीले तोकिएको मापदण्डमा केही कमजोरी भएपछि क्लब लाइसेन्सिङका लागि बनेको फस्र्ट स्ट्यान्ड बडीले आर्मीको आवेदन खारेज गरिदिएको थियो । त्यसवेला आर्मी छुट्टै फुटवल क्लबका रुपमा दर्ता भएको थिएन ।
आर्मीले फुटवल क्लबका रुपमा दर्ता हुँदै पुनः आवेदन दिएपछि अपिल किमटीले पुनः विचार गरेको थियो । त्यसक्रममा सबै मापदन्ड पुरा भएपछि आर्मीले लाइसेन्सिङ प्राप्त गरेको हो ।