राखेपका कर्मचारी र खेलाडीहरुको कोरोना परीक्षण
ब्याडमिन्टन खेलाडीसहित करिब २०० जनाको कोरोना परीक्षण गरिएको छ । राखेपको सदस्य नेपाल ब्याडमिन्टन संघका उपाध्यक्ष सुवास श्रेष्ठको पहलमा ब्याडमिन्टन खेलाडीसहित करिब २०० जनाको कोरोना परीक्षण गरिएको हो ।
श्रेष्ठ अध्यक्ष रहेको लायन्स क्लब र राखेपले संयुक्तरुपमा खेलाडी राखेपका कर्मचारी र अन्य खेलाका खेलाडीहरुको समेत कोरोना परीक्षण गरेको श्रेष्ठले जानकारी दिए । ब्याडमिन्टनका खेलाडी र प्रशिक्षक गरी १९ जनाको कोरोना परीक्षण गरिएको हो । सुरुमा ९० जनाको परीक्षण गर्ने टार्गेट राखेकामा पछि कर्मचारी अन्य खेलका खेलाडीहरु लगायत गरेर २०० जना पुगेको श्रेष्ठले बताए । सबै जनाको त्रिपुरेश्वरस्थित राखेप परिषरमा कोरोना परीक्षण गरिएको थियो ।