जर्मन कपको उपाधिका लागि वायर्न म्युनिख र बायर लिभरकुजेन भिड्ने
यस वर्षको जर्मन कप फुटबलको उपाधिका लागि वायर्न म्युनिख र बायर लिभरकुजेन भिड्ने भएका छन् । गएराति भएको सेमिफइनल खेलमा आइन्त्राच फ्र्याङ्कफर्टलाई २–१ ले हराउँदै साविक विजेता वायर्न म्युनिख फाइनलमा पुगेको हो । फ्रयाङ्कफर्ट विरुद्धको खेलमा वायर्नलाई विजयी गराउन इभाँ पेरिसिच र रोबर्ट लेवान्डोस्कीले एक एक गोल गरे ।
फ्रायङ्कफर्टका ड्यानी डा कोस्टाले एक गोल फर्काए । पोल्याण्डका खेलाडी लेवान्डोस्कीको उक्त गोल वायर्नका लागि जारी सिजनको ३९ खेलमा ४५ औं गोल हो । यसअघि पहिलो सेमीफाइनल खेलमा एफसी सारब्रकेनलाई ३–० ले हराउँदै बायर लिभरकुजेन जर्मन कपको फाइनलमा पुगिसकेको छ ।
