नेपाली क्रिकेट टीमलाई बधाई दिँदै अमेरिकी राजदूतले भने -‘अमेरिकी टीमले यस्ता खेलहरूबाट धेरै सिक्नुपर्छ’

काठमाडौं । नेपाल र अमेरिकाबीच भएको एकदिवसीय क्रिकेट खेलमा नेपालले ८ विकेटको फराकिलो जित हासिल गरेपछि अमेरिकी राजदूत र्याण्डी बेरीले अमेरीकी टीमले सिक्नुपर्ने कुरा धेरै रहेको प्रतिक्रिया दिएका छन् ।

राजदूत बेरी क्रिकेट मैदानमा उपस्थित भएर खेल हेरिरहेका थिए ।
खेल सकिएपछि ट्वीट गर्दै बेरीले यो अचम्मको अनुभव रहेको बताएका छन् । उनले लेखेका छन्,’अमेरिकी टीमले यस्ता खेलहरूबाट धेरै सिक्नु पर्छ ।’

नेपालले ३५ रनमै अमेरिकी टोलीलाई समेटेको थियो । यो एकदिवसीय अन्तर्राष्ट्रिय क्रिकेटमा सर्वाधिक न्यून स्कोर हो ।