अमेरिकन बास्केटवल खेलाडी कोवेप्रति श्रद्धाञ्जली
काठमाडौं । महान् वास्केटवल खेलाडी कोवे व्राण्टको निधनमा स्पोर्टस टुरिजम एसोसियसन अफ नेपालले श्रद्धाञ्जली व्यक्त गरेको छ । क्षेत्रपाटी चोकमा स्व.कोवेको सम्झनामा मैनवत्ती वाली एक मिनेट मौनधारण गरि श्रद्धाञ्जली व्यक्त गरिएको हो ।
कार्यक्रममा स्पोर्टस टुरिजम एसोसिएसन अफ नेपालका अध्यक्ष पर्यटन व्यवसायी गणेश रिमालले कोवेको निधनले विश्व खेलजगतले एक महान हस्ति गुमाएको वताए । श्रद्धाञ्जली कार्यक्रममा एसोसिएसनका महासचिव विजय खडकाले कोवेको निधनले संसार स्तब्ध भएको वताए । उनले हेलिकप्टर दुर्घटनामा निधन हुने उनकी छोरी लगायत दिवंगत सबैप्रति भावपुर्ण श्रद्धाञ्जली व्यक्त गरे ।
उक्त अवसरमा एसोसिएसनका पदाधिकारी अभिर मल्ल, यज्ञजंग शाह, अर्जुनलाल प्रधान, मनोहर कोइराला लगायतका सदस्यहरूहरूको उपस्थिति रहेको थियो ।
स्पोर्टस टुरिजम एसोसिएस अफ नेपाल खेलकुदको माध्यमद्वारा पर्यटनको विकास गर्ने उद्देश्यले खोलिएको गैरनाफामूलक सामाजिक संस्था हो । एसोसिएसनले नेपाल तथा विदेशमा पर्यटन प्रवर्द्धनको लागि विभिन्न खेलकुद प्रतियोगिताहरू आयोजना गर्ने गरेको छ ।