पहिलो पटक साहसिक खेल आइस क्लाइम्बिङ हुने
नेपाल भ्रमण वर्ष सन् २०२० मा पहिलो साहसिक खेलको आयोजना हुने भएको छ । मनाङको हुम्देमा माघ १८ देखि २७ गते सम्म दोस्रो आइस क्लाइम्बिङ फेस्टिबल हुने भएको हो ।
नेपालमै पहिलो र नेपाल भ्रमण वर्ष सन् २०२० को सुरुसँगै पहिलो पटक साहसिक खेल प्रतियोगिता आयोजना हुने आइतबार पत्रकार सम्मेलनमा आयोजक संस्था नेपाल पर्वतारोहण संघका अध्यक्ष शन्तवीर लामाले बताए । फेस्टीबलमा विभिन्न देशका गरी ४५ जनाले सहभागिता जनाउने छन् ।
पाँच सयदेखि एक हजार मिटरभन्दा लामो झरना तीनदेखि पाँचस्तर (डव्लूआइ ३ देखि डव्लूआइ ५ सम्म) अथवा ६० देखि सय डिग्री उचाइसम्म झरनामा क्लाइम्बिङ गर्न पाइने छ ।
