अफ्रिकी ब्याट्सम्यान हसिमले चौथो संस्करणको एभरेष्ट प्रिमियर लिग (ईपीएल) खेल्ने
काठमाडौं । अफ्रिकी ब्याट्सम्यान हसिम अमलाले चौथो संस्करणको एभरेष्ट प्रिमियर लिग (ईपीएल) खेल्ने भएका छन् । क्षिण अफ्रिकाका पूर्व कप्तान तथा ओपनर ब्याट्सम्यान हसिम अमलाले चौथो संस्करणको एभरेष्ट प्रिमियर लिग (ईपीएल) खेल्ने भएका हुन् । ईपीएलका प्रबन्ध निर्देशक आमिर अख्तरले हसिम अमला आउने पक्का भएको बताएका छन् । अमलाले कुन टोलीबाट खेल्ने भन्ने अर्को हप्तासम्म सार्वजनिक हुने उनले जानकारी दिए ।
हसिमले दक्षिण अफ्रिकाबाट १ सय २४ टेष्ट, १ सय ८१ ओडीआई र ४४ टि ट्वान्टी आई खेलेका छन् । २ सय १५ टेष्ट इनिङमा उनले २८ शतक र ४१ अर्ध शतक सहित कुल ९ हजार २ सय ८२ रन बनाएका छन् । जसमा ३ सय ११ अविजित उत्कृष्ट प्रर्दशन रहेको छ । हसिम अमला २ हजार, ३ हजार, ४ हजार, ५ हजार, ६ हजार र ७ हजार सर्वा्धिक छिटो ओडीआई रन बनाउने खेलाडी हुन् । उनले गत जुलाईमा इंग्ल्यान्डमा भएको एक दिवसिय विश्वकप देखि अन्तर्रा्ष्ट्रिय क्रिकेटबाट सन्न्यास लिएका थिए ।
