जावलाखेल युथ क्लब अंक तालिकाको तेस्रो स्थानमा

शहीद स्मारक ए डिभिजन लिगमा जावलाखेल युथ क्लब अंक तालिकाको तेस्रो स्थानमा उक्लिएको छ । च्यासल युथ क्लबलाई हराउँदै जावलाखेल युथ क्लब अंक तालिकाको तेस्रो स्थानमा उक्लिएको हो । अधिकांश समय च्यासल हाबी भएको खेलमा जावलाखेलले उत्कृष्ट जित निकाल्यो ।

लिगमा ९९ गोल गरिसकेका च्यासलका स्ट्राइकर सन्तोष साउखललाई सय गोल बनाउने राम्रो अवसर समेत गुम्न पुग्यो । जावलाखेलले भने दोस्रो हाफको ८१औं मिनेटमा गोल गर्दै अग्रता लियो । रुपबहादुर लामाले गोल गर्दै जावलाखेलाई अग्रता दिलाएको एक मिनेट नबित्दै बिजय घलानले गोल गरे ।