लिभरपुल र म्यान्चेस्टर युनाईटेडको शानदार जित



इंग्लीश प्रिमियर लिग फुटबलमा लिभरपुल र म्यान्चेस्टर युनाईटेडले शानदार जित निकालेका छन् । गएराति भएको खेलमा शीर्ष स्थानको लिभरपुलले लेष्टर सिटीलाई ४–० ले पराजित गर्‍यो ।

लेष्टर सिटीकै मैदानमा लिभरपुललाई विजयी गराउन रोबर्टो फर्मीनोले दुई तथा जेम्स मिल्नर र अलेक्जेण्डर आर्नोल्डले एक एक गोल गरे । गएराति नै भएको अर्को खेलमा म्यान्चेस्टर युनाईटेडले न्युकासल युनाईटेडलाई ४–१ ले हरायो ।

आफ्नै मैदानमा म्यान्चेस्टर युनाईटेडलाई विजयी गराउन एन्थोनी मार्टीयलले दुई तथा मेसन ग्रिनउड र मार्कस रास्फोर्डले एक एक गोल गरे ।

प्रिमियर लिगकै खेलमा टोटनह्याम हट्सपरले ब्राइटनलाई २–१ ले हराउँदा साउथह्याम्पटनले चेल्सीमाथि २–० को जित निकाल्यो ।

आर्सनललाई बर्नमाउथले १–१ गोलको बराबरीमा रोक्दा शेफिल्ड युनाईटेड र वाट्फोर्डले पनि १–१ गोलको बराबरीमै चित्त बुझाए । एभर्टनले बर्न्लेमाथि तथा एस्टन भिल्लाले नरिच सिटीमाथि १–० को जित निकाले ।

गएरातीका खेलहरुपछि प्रिमियर लिगको अंक तालिकामा १८ खेलबाट ५२ अंक जोडेको लिभरपुल शिर्ष स्थानमा छ ।

एक खेल बढी खेलेको लेष्टर सिटी ३९ अंकसहित दोस्रो स्थानमा रहँदा १८ खेलबाट ३८ अंक जोडेको म्यान्चेस्टर सिटी तेस्रो स्थानमा यथावत छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नेपाल ‘ए’ र आयरल्यान्ड ‘ए’ बीचको खेल वर्षाका कारण रद्द

काठमाडौं । नेपाल ‘ए’ र आयरल्यान्ड ए बीचको टी–२० शृंखलाअन्तर्गत पहिलो खेल वर्षको

सगरमाथालाई हराउँदै आर्मी इटहरी गोल्डकपको फाइनलमा

धरान । इटहरीमा जारी १४ औँ इटहरी गोल्डकपको सेमीफाइनमा साबिक विजेता सगरमाथा क्लबलाई

सूर्य नेपाल एनपीजीए टुर च्याम्पियनसीपः एमेच्योर सद्भाव शीर्षस्थानमा, भुवन एक स्ट्रोकले पछाडि

काठमाडौं । एमेच्योर गल्फर सद्भाव आचार्यले सूर्य नेपाल गल्फ टुर २०२३–२४ अन्तर्गत छैटौं

वीर गणेशमान सिंह राष्ट्रिय बक्सिङ प्रतियोगिताः भूपेन्द्र, निश्चल र खगेन्द्र सेमिफाइनलमा

काठमाडौँ । नेपाल प्रहरीका भूपेन्द्र थापा, गण्डकी प्रदेशका निश्चल गुरुङ र नेपाल आर्मीका