साविक विजेता मनाङ मर्स्याङ्दीद्वारा लगातार तेस्रो जित

सहिद स्मारक ए डिभिजन लिगमा मनाङ मर्स्याङ्दी क्लबले जित हात पारेको छ । साविक विजेता मनाङ मर्स्याङ्दी क्लबले लगातार तेस्रो खेलमा जित हात पारेको हो । बिहीबार १० खेलाडीमा सीमित मनाङले भएको खेलमा ब्रिगेड ब्वाइज क्लबलाई १(० ले पराजित गरेको हो।

मनाङको जितमा जगजित श्रेष्ठले निर्णायक गोल गरे। उनले खेलको२५ मिनेटमा रिबाउन्डमा गोल गरेका थिए। मनाङका भिदाल लुइसको प्रहारलाई ब्रिगेडका गोलकिपरले राम्रोसँग क्लियर गर्न नसकेको बलमा जगजितले गोल गरेका थिए। जितसँगै मनाङ ३ खेलबाट ९ अंक जोडेर शीर्ष स्थान बनाएको छ ।