चितवनद्वारा काठमाडौं गोल्डेन्स वारियर्सलाई ६० रनले पराजित
पोखरा । पोखरा प्रिमियर लिगमा चितवन राइनोज फाइनलमा पुगेको छ । मंगलबार भएको लिगको आफ्नो पाँचौ खेलमा चितवनले काठमाडौं गोल्डेन्स वारियर्सलाई ६० रनले पराजित गर्यो ।
खेलमा चितवनले दिएको १६८ रनको लक्ष्य पछ्याएको काठमाडौंले २० ओभरमा ९ विकेटको क्षतिमा १०७ रन मात्र जोड्यो । हारपछि पनि काठमाडौंको प्लेअफ सम्भावना बलियो छ । काठमाडौंको ४ अंक रहेको छ।
बुधबार विराटनगर टाइटन्स र बुटवल ब्लास्टर्सबीच हुने अन्तिम खेलपछि प्लेअफ पुग्ने अन्तिम टिमको टुंगो लाग्नेछ ।