बाँदरको तस्बिर राखेपछि सिरि ए आलोचित
इटालीको प्रतिष्ठित व्यवसायिक फुटबल लिगमा जातिवादविरद्धको अभियानका लागि बनाइएका पोस्टरमा सिरि एले बाँदरको तस्बिर राखेपछि आलोचित बनेको छ । तर यस लिग खेल्न आउने अश्वेत जातिका खेलाडीमाथि बारम्बार भेदभावपूर्ण तथा जातिवादी टिप्पणी गरिन्छन् ।
सिरि एले जातिवादविरुद्ध हालै एक अभियान संचालन गरेको छ । उनीहरुले सिरि ए लगायत विश्वभरका अश्वेत जातिका खेलाडीमाथि हुने हेपायसी प्रवृत्तिविरुद्ध अभियान संचालन गरे पनि यतिबेला उनीहरु आफैं आलोचित बनेका छन् ।
पोस्टरमा ‘बाँदरको फोटो राखेर जातिवादविरुद्ध एक हौं, जातिवादलाई प्रश्रय नदियौं’ भनिएको छ । यतिबेला विश्वभरबाट सिरि एको यस कार्यको आलोचना भएको छ। सिरि ए खेलिरहेका क्लबले पनि आलोचना गरेका छन् ।
कतिपयले अश्वेत जातिका मानिसलाई सिरि एले बाँदरसँग तुलना गरेको टिप्पणी गरेका छन् । सिरि ए खेल्ने क्लब एएस रोमा ट्वीटरमा लेख्छ,‘सिरि एले जातिवादविरुद्धको अभियानमा बनाएको पोस्टर देखेर हाम्रो क्लब आश्चर्यमा परेको छ ।
