एकलमा कास्यपदक जित्न सफल
काठमाडौं । दक्षिण एसियाली खेलकुदमा नेपाली टेबल टेनिस खेलाडीले एकलमा कास्यपदक जितेको छ । १३औं दक्षिण एसियाली खेलकुदको टेबल टेनिसमा नेपालका स्यान्टु श्रेष्ठ र पुरुषोत्तम बज्रचार्य पुरुष एकलमा कास्यपदक जितेका हुन् । लैनचौरस्थित शुक्रबार टेबल टेनिस हलमा शुक्रबार भएको सेमिफाईनलमा स्यान्टु भारतका अमरलाज एन्थोनीसँग ४–० को सेटमा पराजित भएको छ । ११–४, १२–१०, ११–८ र ११–३ को सेटमा पराजित भए ।
त्यस्तै पुरुषोत्तम पनि भारतका हर्मित देशाइसँग ४–० को सोझो सेटमा पराजित हुँदै कास्यमा सीमित बनेका हुन्। पुरुषोत्तम देशाईसँग ११–५, ११–४, ११–१ र ११–४ को सेटमा पराजित भए। तर यो टेबल टेनिसमा सबैभन्दा राम्रो नतिजा हो ।
स्पर्धामा भारतका अमरलाज एन्थोनीले आफ्नै देशका हर्मित देशाईलाई ४–३ को सेटमा पराजित गर्दै स्वर्ण जिते। अमरलाजले हर्मितमाथि ६–११, ९–११, १०–१२, ११–९, ११–७, ११–४ र ११–७ को सेटमा पराजित गर्दै स्वर्ण जितेका हुन्।