पौडीमा नेपालकी गौरीकालाई स्वर्ण
काठमाडौं । १३ औं दक्षिण एसियाली खेलकुद (साग) अन्तर्गत पौडीमा नेपालकी गौरीका सिंहले स्वर्ण जितेकी छन् । महिला दुई सय मिटर फ्रिस्टाइलमा गौरीकाले स्वर्ण जितेकी हुन् । १२ औं सागमा उनले एक रजत र तीन कास्य पदक जितेकी थिइन् ।
१६ वर्षको उमेरमा आठौं राष्ट्रिय राष्ट्रिय खेलकुद प्रतियोगितामा पहिलो पटक सहभागिता जनाएकी गौरीकाले ५० मिटर ब्याकस्ट्रोक र ४ सय मिटर र ८ सय मिटर फ्रिस्टाइलमा स्वर्ण पदक जितेकी थिइन् । उनले ५० मिटरमा ३०.८५ सेकेन्डमा दूरी पूरा गर्दै स्वर्णसहित राष्ट्रिय कीर्तिमान बनाएकी हुन् ।
