उसु र क्रश कन्ट्री साइक्लिङमा नेपाललाई स्वर्ण पदक
काठमाडौं । १३ औँ दक्षिण एसियाली खेलकुद (साग) अन्तर्गत उसुमा नेपालकी निमा घर्ति मगरले स्वर्ण जितेकी छिन् । यसअघि नेपालले उसुमा चार स्वर्ण जितिसकेको छ ।
लगनखेलस्थित नेपाली सेनाको कभर्डहलमा थाउलोको महिला नान्दोमा कुल १८–९१ अंक जोडेर स्वर्ण जितेकी हुन् । यसअघि २०१६ मा भएको सागमा पनि निमाले स्वर्ण जितेकी थिइन् । यस स्पर्धामा बंगलादेशले रजत र श्रीलंकाले कास्य जितेको छ । निमा उसुमा लगातार दुई स्वर्ण जित्ने पहिलो खेलाडी बनेकी छन् ।
त्यसैगरी १३ औं सागको क्रश कन्ट्री साइक्लिङमा नेपालकी लक्ष्मी मगरले स्वर्ण जितेकी छिन् । यस स्पर्धामा नेपालकै उषा खनालले रजत प्राप्त गरेकी छिन् । यस्तै भारतकी प्रनिता प्रफुलले कास्य पदक जितिन् ।