साइक्लिङको डाउनहिलमा नेपाललाई दुई स्वर्ण र दुई रजत
काठमाडौं । साइक्लिङको डाउनहिलमा नेपालले दुई स्वर्ण र दुई रजत जितेको छ । जसमा पुरुषमा दुई र महिलामा दुई पदक हात परेको छ । गोकर्णमा भएको प्रतिस्पर्धामा नेपालले पुरुष तर्फ शिर्ष तीन स्थान हात पार्यो । जसमा पुरुषमा राजेश मगरले स्वर्ण जिते । दोस्रो स्थानमा निरभ श्रेष्ठ रहे भने तेस्रो स्थान प्रचित थापामगरले हात पारे ।
एक किलोमिटर दुरीको रेसमा स्वर्ण जितेका राजेशले एक मिनेट ४९ दशमलव तीन तीन सेकेण्डमा दुरी पूरा गरे । दोस्रो बनेका निरभले एक मिनेट ५० दशमलव शून्य आठ शुन्य सेकेण्डमा दुरी पार गरे । काश्य जितेका प्रचितले एक मिनेट ५१ दशमलव ६६ सेकेण्डमा पुरी पूरा गरे ।
महिलामा निश्मा श्रेष्ठले दुई मिनेट २२ दशमलव ४५ सेकेण्डमा दुरी पूरा गरिन् । दोस्रो स्थानमा रहेकी जमुना थापाले २ मिनेट ४१ दशमलव चार पाँच सेकेण्डमा दुरी पार गरिन् । तेस्रो स्थानमा भारतीय खेलाडी रहिन् ।
