पुरुष फुटबलमा नेपालको सुखद सुरुवात, भुटान चार शून्यले पराजित
काठमाडौं । १३ औँ साग अन्तर्गत पुरुष फुटबलमा नेपाली टोलीले सुखद सुरुवात गरेको छ । मंगलबार भएको खेलमा नेपालले भुटानलाई ४–० गोल अन्तरले पारजित गरेको हो ।
दशरथ रंगशालमा भएको खेलको पाँचौ मिनेटमा कप्तान सुजल श्रेष्ठले गोलबाट नेपालले सुरुवाती अग्रता बनाएको थियो । खेलको ५१ औँ मिनेटमा कप्तान सुजलले व्यक्तिगत दोस्रो गोल गर्दै नेपालको अग्रता दोब्बर पारे ।
नेपालका लागि खेलको अविशेक रिजालले ६६ औँ मिनेटमा नेपालका लागि तेस्रो गोल गरे । निकैनै आक्रमक रुपमा खेलेको नेपालले खेलको ७८ औँ मिच्चेन तामाडले गोल गर्दै नेपाललाई ४–० गोलको सहज जित निकाले ।
जितसँगै नेपालले प्रतियोगितामा आफ्नो बलियो दावेदारी प्रस्तुत गरेको छ । नेपाल प्रतियोगिताको साविकको विजेता टोली पनि हो ।
