पुरुष भलिबलमा नेपाल बंगलादेशसँग पराजित
काठमाडौं । नेपाली पुरुष भलिबल टोली १३ औं दक्षिण एसियाली खेलकुद प्रतियोगिता (साग) अन्तर्गतको पहिलो खेलमा पराजित भएको छ ।
बुधबार भएको प्रतियोगिताको पहिलो खेलमा नेपाल बगलादेशसँग ३-२ सेटमा पराजित भएको हो ।
पहिलो सेट २५-२१ ले जितेको नेपाल दोस्रो सेटमा भने कमजोर बनेको थियो । नेपाल दोस्रो सेटमा २३-२५ ले पराजित भएको थियो ।
तेस्रो सेटमा नेपालले २५-१९ को जित निकालेको हो । चौथो सेटमा पनि नेपाल कमजोर बन्यो । नेपालले चौथो सेट २४-२६ मा घुमाएको थियो ।
अन्तिम सेटमा पनि नेपाल १५-१५ ले पराजित हुन पुग्यो । यो हारसँगै नेपालको अघिल्लो चरणको सम्भावना कमजोर बनेको छ । नेपालले अब बिहीबार भारतसगँ खेल्ने छ ।
यसअघि आजै भएको महिला भलिबलमा भने नेपालले बंगलादेशलाई पराजित गरेको थियो ।