एसीसी इमर्जिङ एशिया कप क्रिकेटमा नेपाल ४० रनले विजयी

उनले भारतसँगको पहिलो खेलमा पनि ४४ रन बनाएका थिए। नेपालको तल्लोक्रमका खेलाडीले आक्रामक ब्याटिङ गर्न सकेका भए नेपालको स्कोर अझ राम्रो हुन्थ्यो तर विनोद भण्डारी (१५ रन) बाहेक अन्य कसैले पनि दोहोरो अङ्कमा रन बनाउन सकेनन्।

हङ्‍कङका तर्फबाट आइजाज खानले तीन एवम् नासरुल्ला राना र अहसान नवाजले दुई/दुई विकेट लिएका थिए। करण केसी र अविनाश बोहोराले सुरुमै प्रभावकारी बलिङ गरेपछि हङ्‍कङ समस्यामा पर्‍यो।

बोहोराले तीन र केसीले दुई विकेट लिँदा हङ्‍कङले १२ ओभरमा पचास रन नबनाउँदै पाँच खेलाडी गुमायो। तर किन्चित शाह र हरुन अर्सादले मिलेर ६२ रन बनाउँदै हङ्‍कङलाई खेलमा फर्काउने प्रयास गरे।

अर्साद २६ रनमा रहँदा केसीको तेस्रो विकेटका रूपमा आउट भए भने ८० बलमा ५३ रन बनाएका शाहलाई सुसन भारीले आउट गरे।

अन्तिम विकेटका लागि ४२ रन नबनेको भए नेपालको जित अझ सहज देखिने थियो। तर एहसान नवाजले ५३ बलमा ४४ नटआउट बनाउँदै खेललाई तन्काए। नेपाल रहेको समूह ‘बी’मा भने भारतलाई बाङ्ग्लादेशले छ विकेटले हराएको छ।

भारतले दिएको २४७ रनको लक्ष्यलाई आयोजकले ४२.१ ओभरमा चार विकेट गुमाएर प्राप्त गरेको हो। समूह ‘ए’मा भने बिहीवार श्रीलङ्कालाई हराएर अविश्वनीय नतिजा निकालेको ओमानलाई अफगानिस्तानले नौ विकेटले हराएको छ।

ओमानले ४४ ‌‌ओभरमा १५३ रन बनाएकोमा अफगानिस्तानले त्यो लक्ष्य ३०.५ ओभरमै एक विकेट गुमाएर पुरा गरेको हो। तर श्रीलङ्का भने लगातार दोस्रो खेल हारेर प्रतियोगिताबाटै बाहिरिएको छ।

शनिवार पाकिस्तानले श्रीलङ्कालाई ३०.४ ओभरमा ९३ रनमा आउट गर्दै ९० रनले हरायो र सेमीफाइलन पुग्ने पहिलो टोली बन्यो।