ऐतिहासिक उपाधि जितेका नेपाली महिला भलिबल खेलाडीले जनही तीन लाख रुपैयाँ पाउने



काठमाडौं । नेपाली महिला भलिबल टोलीका सबै सदस्यले जनही तीन तीन लाख रुपैयाँ पुरस्कार पाउने भएका छन् । बंगलादेशमा सम्पन्न पहिलो संस्करणको एसियन भलिबल कन्फेडेरेसन (एभिसी) सेन्ट्रल जोन सिनियर महिला भलिबल च्याम्पियनसिपको उपाधि विजेता टोलीलाई सरकारले नगदसहित सम्मानित गर्ने भएको छ ।

स्वदेश फर्किएको महिला टिमलाई स्वागत गर्दै राष्ट्रिय खेलकुद परिषदका सदस्य सचिव रमेश सिलवालले नगद पुरस्कारको घोषणा गरेका हुन् । ढाकामा बिहीबार सम्पन्न च्याम्पियनसिपको उपाधि जित्दै ऐतिहासिक सफलता हात पारेको थियो ।

नेपालले ५ राष्ट्र सम्मिलित प्रतियोगितामा उपाधि जित्ने क्रममा सबै खेलमा एकपक्षीय नतिजा हासिल गरेको थियो । भलिबलमा पहिलो अन्तर्राष्ट्रिय उपाधि जित्ने क्रममा नेपालले बिहीबार माल्दिभ्सलाई सोझो सेटमा पराजित गरेको हो ।

नेपालले प्रतियोगिता अवधिभर एक सेट पनि गुमाएन । नेपाली टोलीमा अरुणा शाही (कप्तान), प्रतिभा माली, सरस्वती चौधरी, कमला पुन, रेश्मा भण्डारी, उषा विष्ट, सलिना श्रेष्ठ, सुनिता खड्का, निरुता ठगुन्ना, पुनम चन्द, सफिया पुन, जानकी भण्डारी छन् । मुख्य प्रशिक्षकमा जगदीश भट्ट, प्रशिक्षकमा सलिना श्रेष्ठ र भरत यादव तथा व्यवस्थापकमा रिता कोइराला छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
टोकियो ओलम्पिकमा आयोजक जापान १० स्वर्णसहित शीर्ष स्थानमा

काठमाडौ। जापानको राजधानी टोकियोमा जारी ३२औँ ग्रीष्मकालीन ओलम्पिक खेलकूदमा आयोजक जापान पदक तालिकाको

ओलिम्पिकमा १३ वर्षीया जापानी खेलाडीले स्वर्ण पदक जितेर रचिन् इतिहास

जापानकी १३ वर्षीया मोमिजी निशियाले टोक्यो ओलिम्पिक्स–२०२० मा महिला स्ट्रीट स्केटबोर्डिङमा पहिलो पटक

टोकियो ओलम्पिकमा आयोजक जापान आठ स्वर्णसहित शीर्ष स्थानमा

काठमाडौं । जापानको राजधानी टोकियोमा जारी ३२औँ ग्रीष्मकालीन ओलम्पिक खेलकूदमा आयोजक मुलुक जापान

पाकिस्तानका पूर्वकप्तान अफ्रिदीले ईपीएल खेल्ने

काठमाडौं । पाकिस्तानी क्रिकेट टोलीका पूर्वकप्तान साहिद अफ्रिदीले नेपालमा क्रिकेट खेल्ने भएका छन्