पूर्वाधार अभावमा नेपाल र कुवेतको खेल भुटानमा हुने
काठमाडौं । फिफा विश्वकप छनोट अन्तर्गत नेपाल र कुवेतको खेल भुटानेमा हुने भएको छ । एएफसीका प्रतिनिधीको रिपोर्टका आधारमा नेपालले घरेलु मेदानमा खेलाउने भनिएको खेल अन्तिम समयमा भुटानमा हुने भएको हो ।
एएफसीका प्रतिनिधी देङ सिआ लोङले एन्फालाई इमेल मार्फत यो खेल भुटानको चाङलिमिथाङमा हुने जनाएका हुन । केहि दिन अगाडी एएफसीको टिम निरिक्षणका लागि काठमाडौं आएको थियो, सो समितीको रिपोर्टका आधारमा एएफसीले नेपालले घरेलु मैदानमा खेलाउने भनिएको कुवेत विरुद्धको खेल भुटानको थिम्पुमा सारिएको हो ।
चार बर्ष अगाडी भएको विनाशकारी भुकम्पका कारण खेल्न योग्य नभएको रंगशाला पछिल्लो पटक मर्मतको अवस्थामा रहेको छ । एएफसीका प्रतिनिधीले पनि कुवेतको खेलसम्म रंगशाला तयार नहुने रिपोर्ट बुझाएका थिए । मंसिर तीन गते हुने भनिएको खेल सोहि मितीमा भुटानमा हुने भएको छ ।