भ्रष्टाचार गरेको अभियोगमा युएईका तीन क्रिकेटर निलम्बित
विश्व क्रिकेटको सर्वोच्च निकाय अन्तर्राष्ट्रिय क्रिकेट काउन्सिल (आइसिसी) ले वल्र्ड टी–२० क्वालिफायरको पूर्वसन्ध्यामा युएईका तीन खेलाडीलाई प्रतिबन्ध लगाएको छ ।
भ्रष्टाचारविरोधी संहिताविपरित काम गरेको भन्दै युएईका कप्तानसहित तीन क्रिकेटरलाई निलम्बन गरिएको हो । आईसिसीले युएईका कप्तान मोहमद नाबिद, तीव्र गतिका बलर क्वादर अहमेद र ब्याट्सम्यान शैमान अनवारलाई भ्रष्टाचार अभियोगमा निलम्बन गरेको हो ।
नाभिदलाई युएईले यसै साता कप्तानबाट हटाएको थियो । उनको स्थानमा अहमेद राजालाई कप्तानको जिम्मेवारी दिइएको छ । अलराउन्डर नाबिदलाई खेलका दौरान भ्रष्टचार गरेको आरोप छ ।
नाबिदले अरुलाई प्रभावमा पार्न खोजेको, अनुसन्धानमा सहयोग नगरेको पनि अभियोग छ । यस्तैगरी शैमानले खेलमा अनुचित प्रभाव पार्न खोजेको आइसिसीको आरोप छ ।