अष्ट्रेलियन आरोहीद्वारा बिना अक्सिजन अन्नपूर्ण हिमाल आरोहण



काठमाडौँ । अस्ट्रेलियन पर्वतारोही एली पेपरले बिना अक्सिजन अन्नपूर्ण–१ हिमालको सफल आरोहण गरेकी छन्। वसन्त ऋतुको जारी आरोहणमा आरोही पेपरले विश्वको १०औं अग्लो हिमाल अन्नपूर्णको सफल आरोहण गरेकी हुन्।

सेभेन समिट ट्रेक्स कम्पनीका अध्यक्ष मिङ्मा शेर्पाका अनुसार ४७ वर्षीया महिला पेपरले शेर्पा पथप्रदर्शक मिकेल शेर्पा र निमा शेर्पाका साथमा आइतबार दिउँसो १२ बजेर ७ मिनेटमा अन्नपूर्णको चुचुरो पुग्न सफल भएकी हुन्।

यसअघि १७ वर्षीय नेपाली आरोही निमा रिन्जी शेर्पाले पनि बिना अक्सिजन अन्नपूर्ण–१ हिमालको सफल आरोहण गरेका थिए। उनले अप्रिल १२ तारिखका दिन अपराह्न अन्नपूर्ण हिमालको आरोहण गरेका थिए।

दुई आरोहीले बिना अक्सिजन अन्नपूर्ण हिमाल आरोहण गरेको जानकारी आएको तर आधिकारिक प्रमाणीकरण गर्न बाँकी रहेको पर्यटन विभागका निर्देशक राकेश गुरुङले बताए। ‘अन्नपूर्ण–१ हिमालमा ‘रोपफिक्सिङ’को काम सफल भएसँगै धमाधम आरोहण भइरहेको छ। दुई दिनको अवधिमा दुई जनाले बिना अक्सिजन आरोहण गरेको जानकारी आएको छ, यसलाई हामी (विभाग) अफिसियली प्रमाणीकरण गर्न बाँकीछ,’ उनले भने।

दुई वर्षभित्र विश्वका ८ हजार मिटर अग्ला १४ वटा हिमाल आरोहण गर्ने लक्ष्य लिएकी अस्ट्रेलियन आरोही पेपरले अन्नपूर्ण आरोहणसँगै ३ वटा ८ हजार मिटर अग्ला हिमाल सफलतापूर्वक आरोहण गर्न सफल भएकी हुन्। उनले यसपछि कञ्चनजंघा मकालु हिमालको आरोहण गर्ने लक्ष्य रहेको बताइन्।

पेपरले सन् २००७ मा माउन्ट चोयु हिमाल तिब्बततर्फबाट बिना अक्सिजन हिमाल आरोहण सुरु गरेकी थिइन्। सन् २०२३ को जुलाई १५ तारिखका दिन विश्वको १२औं अग्लो हिमाल ब्रोडपिक (८,०५२ मिटर) र विश्वको पाँचौं अग्लो हिमाल मनास्लु (८,१६३ मिटर) को सन् २०२३ को सेप्टेम्बर २८ तारिखका अक्सिजनको प्रयोग नगरी सफल आरोहण गरेको जनाइएको छ।

सिड्नीकी पर्वतारोही पेपरले सन् २०२३ को जुलाई १५ तारिखका दिन विश्वको १२औं अग्लो हिमाल ब्रोडपिक (८,०५२ मिटर) को बिना अक्सिजन सफल आरोहण गरी पहिलो अस्ट्रेलियाली महिला बनेकी थिइन्।

पर्यटन विभागका अनुसार यो याममा अन्नपूर्ण–१ हिमाल आरोहणका लागि तीन आरोही समूहका ११ महिला र १४ पुरुष गरी कूल २५ ले आरोहण अनुमति लिएका थिए।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नवलपरासीमा दुर्लभ पाटे बाघ मृत फेला

मध्यविन्दु (नवलपरासी) । नवलपरासी (बर्दघाट सुस्तापूर्व)को विनयी त्रिवेणी गाउँपालिका–२ विनयी खोलाको बगरमा पाटे

महिलाहरूले तान्दै रातो मच्छिन्द्रनाथको रथ

ललितपुरको ऐतिहासिक वर्षा र सहकालका देवता रातो मच्छिन्द्रनाथ रथ जात्रा बिहीबार बिहान ईति

नेपालगञ्ज–गुलरिया सडकको ६५ प्रतिशत काम पूरा

राँझा (बाँके) । हुलाकी सडक आयोजनाअन्तर्गत निर्माणाधीन नेपालगञ्ज–गुलरिया सडक खण्डको ६५ प्रतिशत कार्य

भारतसँग सिमाना जोडिएका पर्साका नाका बन्द

वीरगञ्ज (पर्सा) । भारतसँग सिमाना जोडिएका पर्साका नाका बन्द भएका छन् । विहार