सामाखुसी खोलाको बाढीमा बेपत्ता बालकको ११ दिनपछि दक्षिणकालीमा शव फेला
काठमाडौं । काठमाडौंको सामाखुसीबाट साउन ७ गते बाढीले बगाएर बेपत्ता भएका बालकको शव बिहीबार फेला परेको छ । १३ वर्षीय विधान आलेमगरको शव ११ दिनपछि दक्षिणकालीमा भेटिएको छ । उनको शव देखिएपछि स्थानीयले प्रहरीलाई खबर गरेका थिए । प्रहरी वृत्त कीर्तिपुरको टोलीले दक्षिणकालीमा बागमती नदीको किनारमा शव फेला पारी सनाखत गरेको छ ।
