गोठाटार गोलीकाण्डमा संलग्न एक महिलासहित तीन जना सार्वजनिक



काठमाडौं । असोज ४ गते गोठाटारमा भएको गोली प्रहारबाट मारिएका लाल महम्मद (दर्जी)को हत्यामा संलग्न तीन जनालाई प्रहरीले सार्वजनिक गरेको छ ।

वीरगंजबाट पक्राउ गरेर ल्याइएका एक महिलासहित तीन जनालाई शुक्रबार काठमाडौं जिल्ला प्रहरी परिसरमा पत्रकार सम्मेलन गरेर सार्वजनिक गरिएको हो।

प्रहरीले सार्वजनिक गरेकामा २१ वर्षीया सुनिता स्याङतान (सुमि), १९ वर्षीय रोहन मिया र २१ वर्षीय मनोहर मिया रहेका छन्। मनोहर वीरगंजको पर्सा महानगरपालिकाका हुन्। मनोहर र रोहनले हतियार व्यवस्थापन गरेका थिए। साथै पक्राउ परेकी युवती सुनिताले घटनास्थलको रेकी गरेकी अपराध अनुसन्धान कार्यालयका प्रमुख जनकराज भट्टराईले जानकारी दिए।

काठमाडौंको कागेश्वरी मनोहरा नगरपालिका—८ स्थित गोठाटारमा असोज ४ गते सर्लाही गोडैटा नगरपालिका—२ घर भएका ५८ वर्षीय लाल महम्मदको गोली हानेर हत्या गरिएको थियो। तर, उनीहरु घटनामा सहयोगीको भूमिकामा मात्र भएको खुलेको छ। पक्राउ परेका दुई जना युवकले भारतीय नागरिकले दिएको हतियार वीरगंजबाट काठमाडौं ल्याएका थिए। र, उनीहरुले हतियार भारतीय सुटरलाई दिएको खुलेको छ।

घटनाका मुख्य सुटर भने अझै फेला पारेको छैनन्। पक्राउ परेका तीन जना सहयोगीको जानकारीको आधारमा मुख्य योजनाकारसम्म पुग्ने गरि प्रहरीले अनुसन्धान गरिरहेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
निर्वाचन आयोगद्वारा समानुपातिकको सिट बाँडफाँट, कसले कति पाए सिट ?

काठमाडौं ।  निर्वाचन आयोगले मङ्सिर ४ गते सम्पन्न प्रतिनिधिसभा तथा प्रदेशसभा सदस्य निर्वाचनअन्तर्गत

महाकालीमा तटबन्ध निर्माण रोक्न भारत सहमत

धनगढी । दार्चुलास्थित महाकाली नदी पारी भारतले एकतर्फी रुपमा निर्माण सुरु गरेको तटबन्धका

आगलागीबाट १८ लाख भन्दाबढीको क्षति

कञ्चनपुर । कञ्चनपुरको शुक्लाफाँटा नगरपालिका–१ गणेशपुरका तारासिंह महराको घरमा बुधबार आगलागी हुँदा १८

संसद सचिवालयका महासचिवको पत्र कार्यान्वयन नगर्न बारको आग्रह

काठमाडौं । नेपाल बार एसोसिएसनले निलम्बित प्रधानन्यायाधीश चोलेन्द्र शमशेर जबराको निलम्बन पत्रलाई निष्प्रभावी