ठगीको आरोपमा पूर्वसांसद इच्छाराज तामाङ पक्राउ
काठमाडौँ । करोडौं रुपैयाँ ठगीको आरोपमा पूर्वसांसद तथा सिभिल बैङ्कका अध्यक्ष इच्छाराज तामाङ पक्राउ परेका छन् । नेपाल प्रहरीको केन्द्रीय अनुसन्धान ब्युरोले सोमबार उनलाई पक्राउ गरेको हो ।
ब्युरो प्रमुख धिरज प्रताप सिंहले तामाङलाई पक्राउ गरेको जानकारी दिए । उनीमाथि सिभिल सहकारीका निक्षेपकर्ता ठगी गरेको आरोप छ । एमालेको समानुपातिक सूचिबाट सांसद भएका उनी हाउजिङमा समेत संलग्न थिए।
७० जना निक्षेपकर्ताले आफूहरूलाई तामाङसहितको समूहले ठगी गरेको उजुरी दिएपछि उनी पक्राउ परेका हुन् । प्रारम्भिक उजुरीमा ४६ करोड देखिए पनि सो संख्या बढ्ने बताइएको छ ।