‘हर्के हल्दार’ टिमद्वारा मजदुरलाई खाद्यान्न वितरण



काठमाडौं । यतिबेला, कोरोना भाइरस महामारीका कारण सारा विश्व नै दुख, पीडा र सङ्कटमा छ । गत चैत्र १६ गते देखि कोरोना नियन्त्रण तथा रोकथामका लागि जारी निषेधाज्ञाका कारण नेपालमा पनि मानवीय सङ्कट छ ।

एक मुठी खान नपाएकै कारण कैयौँ भोकभोकै बस्न बाध्य छन् । हरेक दुखमा सहारा खोज्न जाने मन्दिर, मस्जिद र चर्चहरू यस विश्वव्यापी सङ्कटमा बन्द छन् । अहिले भगवान् मन्दिरमा नभई दुखी पीडितहरूको घर आँगनमा देखिन थालेका छन् । भगवान् मानवरूपी जीवन नै रहेछ भन्ने महसुस राहत पाएका बेसाहाराहरुले गरेका छन् । यस्तैमा, महासङ्कटको सारथिको रूपमा देखा परेका छन् चर्चित हास्य टेलिशृंखला ‘हर्के हल्दार’ का कलाकार ।

सिगौ मुलुक नै कोरोना प्रकोप सँग जुधिरहेको अवस्थामा जसरी अग्र मोर्चामा स्वास्थ्यकर्मी, सुरक्षाकर्मी र संचारकर्मी कमान्डर बनेर सक्रिय रहेका छन् । त्यसैगरी, उत्तिकै भूमिका निर्वाह गरिरहेका छन् समाजसेवी एवम् हर्के हल्दार का निर्माता इन्द्र दोङ्ग लामा खम्बे र उनको सम्पूर्ण ‘हर्के हल्दार’ टिम । निषेधाज्ञाको अवधि बढ्दै जाँदा दैनिकी मजदुरी गरेर जीविकोपार्जन गर्ने मजदुर तथा विपन्न वर्गमा समस्या थपिँदै गएको छ । यस्तो अवस्थामा ‘हर्के हल्दार’ टिम मार्फत धेरै असाहायहरुलाई राहत पुगेको छ ।

यस्तैमा,शुक्रबार पनि कान्तिपुर टेलिभिजन बाट हरेक आइतबार बेलुकी ९ बजे प्रसारण हुने चर्चित हास्य टेलिशृंखला ‘हर्के हल्दार’ का कलाकारद्वारा काठमाडौँ उपत्यकाका मजदुरहरुलाई राहत स्वरुप खाद्यान्न वितरण गरेको छन्। निषेधाज्ञाका कारण छाक टार्न गाह्रो भएका असाहय, पिडित, दृष्टिबिहिन, अनाथ, एकल महिला, अशक्त अपाङ्ग तथा बिरामी र श्रमिक मजदुरहरुलाई १-१ बोरा चामल, तेल,नुन लगायतका खाद्य सामाग्री बौद्ध माहांकाल, टोखा र माछापोखरमा वितरण गरिएको निर्माता लामाले बताए।

यसअघि पनि उनीहरुले धापासी,तारकेश्वर,गोलढुङ्गा, चरिकोट जिल्ला लगायतका विभिन्न स्थान र अनाथ आश्रमहरुमा खाद्यान्न वितरण गरिसकेको छ । त्यसैगरी सडकपेटीमा आश्रितहरुलाई समेत खाना खुवाउदै गरेको उनले बताए।

सम(समाहिक बिषय बस्तुलाई व्यङ्गत्माक तबरबाट सामाजिक सद्भाव फैलाउँदै हरेक नेपालीको मन मुटुमा बस्न सफल टेलिचलचित्र “हर्के हल्दार” को तर्फबाट गरिएको राहत वितरण कार्यक्रममा निर्माता इन्द्र दोङ्ग लामा खम्बे, कलाकार शिबहरि बैरागी, निर्देशक शिव शर्मा, कलाकारहरु सरु दाहाल देउती, बिनोद परियार, राजेन्द्र गिरि, शान्ति बस्नेत बाग्मती, बिन्दा दुलाल, सुशिला निरौला लगायतका कलाकारहरुको उपस्थितिमा राहत वितरण गरिएको थियो।

मुलुकमा आउने हरेक विषम परिस्थिति हर्के हल्दार समूहले नेपाली जनताको सहयोगमा उत्रिने गरेको छ। यस राहत वितरण कार्यमा साथ् सहयोग पुर्याउने सम्पूर्ण मनकारी समाजसेवीहरुमा हर्के हल्दार परिवार बिशेष धन्यबाद गर्दै आगामी दिनहरुमा पनि यस्तै साथ सहयोगको अपेक्षा गरेको निर्माता इन्द्र दोङ्ग लामाले बताए ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कर्णाली प्रदेशको नीति तथा कार्यक्रम: ‘सुनौलो त्रिभुज, सुनौलो सिक्री’

कर्णाली । कर्णाली प्रदेश सरकारको आर्थिक वर्ष २०७८/०७९ को नीति तथा कार्यक्रम प्रस्तुत

नेपालले खोपका लागि बेलायत सरकारलाई पत्र पठाउने

काठमाडौं । स्वास्थ्य तथा जनसङ्ख्यामन्त्री शेरबहादुर तामाङले कोभिड –१९ विरुद्धको ‘एस्ट्राजेनिका’ खोप उपलब्ध

सुरक्षा निकायलाई सरकारका गलत काममा साथ नदिन पाँच पूर्वप्रधानमन्त्रीको अपील

काठमाडौं । पाँच जना पूर्वप्रधानमन्त्रीले प्रधानमन्त्री केपी शर्मा ओलीले एकपछि अर्को गरी नेपालको

मुख्यमन्त्रीमा नेपालीलाई नियुक्त गर्न माग गर्दै पोखरामा विपक्षी गठबन्धनका ३१ सांसद धर्नामा

गण्डकी । गण्डकी प्रदेशमा बहुमत सदस्यहरु निवेदनअनुसार सरकार गठन हुनुपर्ने मागसहित प्रदेश प्रमुखको