नेपाली महिला टोली पहिलोपटक अन्नपूर्ण हिमालको चुचुरोमा



काठमाडौं । आठ हजार ९१ मिटर अग्लो अन्नपूर्ण प्रथम हिमालमा शुक्रबार  पहिलो पटक नेपाली महिला टोलीले सफल आरोहण गरेको छ । अन्नपूर्ण गाउँपालिका–४ मा पर्ने हिमालमा पूर्णिमा श्रेष्ठको टोलीले सफल आरोहण गरेको हो । काठमाडौँको सेभेन समिट ट्रेकीङ कम्पनीमार्फत उनीहरु गत चैत ८ गते नारच्याङ हुँदै पैदलमार्ग भएर अन्नपूर्ण आरोहणमा गएका थिए ।

सेभेन समिट ट्रेकिङ का अध्यक्ष निग्मा शेर्पाले पूर्णिमालगायत छ नेपाली महिला पर्वतारोही टोलीले शुक्रबार दिउँसो १ः३० बजे अन्नपूर्णको सफल आरोहण गरेको जानकारी दिए । “अन्नपूर्ण प्रथम हिमालमा नेपाली महिलाले पहिलो पटक आरोहण गरेका हुन्”, उनले भने “जोखिमयुक्त र कठिन मानिने अन्नपूर्णमा यसअघि नेपाली महिलाले सफल आरोहण गरेको रेकर्ड छैन ।”

टोलीमा पत्रकारसमेत रहेकी गोरखा आरुघाटकी पूर्णिमासहित दावा याम्जुङ शेर्पा, दावा फुटी शेर्पा, माया शेर्पा, पासाङ ल्यामु शेर्पा र शर्मिला तामाङ सहभागी थिए । पथप्रर्दशक पेम्बाको सहयोगमा उनीहरुले अन्नपूर्ण आरोहण गरेका हुन् ।

पूर्णिमा कारोबार आर्थिक दैनिकमा कार्यरत पत्रकार हुन् । उनले यसअघि सन् २०१८ मा सगरमाथा, २०१७ मा मनास्लु र २०१९ मा आमादब्लम हिमालको आरोहण गरेकी थिइन् । फ्रान्सेली नागरिक मौरिस हर्गोजले सन् १९५० जुन ३ तारेखका दिन अन्नपूर्ण प्रथम हिमालको पहिलो पटक आरोहण गरेका थिए ।

अन्नपूर्ण आठ हजार मिटरभन्दा अग्लो पहिलो मानवपाइला परेको जेठो हिमाल हो । पूर्णिमाको टोलीको नाममा अन्नपूर्ण प्रथम हिमाल आरोहण गर्ने प्रथम नेपाली महिला आरोहीको किर्तिमान बनेको अन्नपूर्ण गाउँपालिकाका अध्यक्ष डमबहादुर पुनले बताए ।

“पूर्णिमाको टोली म्याग्दीको नाच्याङ हुँदै अन्नपूर्ण आधार शिविर जोड्ने ‘मौरिज हर्गोज’ पदमार्गको प्रयोग गरेर आरोहणमा जाने पहिलो टोली पनि हो”, उनले भने, “मौरिसले आरोहण गरेको ७० वर्षपछि नारच्याङ हुँदै आधार शिविरलाई पदमार्गले जोडेर पर्वतारोही भित्राउन थालेका छौँ ।”

सो टोलीलाई अन्नपूर्ण आरोहणका लागि गण्डकी प्रदेश सरकारले आठ लाख, गाउँपालिकाले चार लाख, गाउँपालिकाका अध्यक्ष डमबहादुर पुनले व्यक्तिगतरुपमा एक लाख रुपैयाँ सहयोग गरेका छन् ।

गत वर्ष नारच्याङमा प्रथम अन्नपूर्ण पर्यटन महोत्सव आयोजना गरेको गाउँपालिकाले मौरिज हर्गोज पदमार्ग नामाकरण, नक्साङ्कन, पूर्वाधार निर्माण र प्रर्वद्धन शुरु गरेको छ । अन्नपूर्ण प्रथमको आरोहणको ७० वर्ष पुग्दा पनि त्यसको सफल आरोहण गर्नेको सङ्ख्या असाध्यै कम छ । यसअघि आरोही हेलिकप्टरबाट आधार शिविर जाने गरेका थिए । मुस्ताङको कुञ्जो हुँदै आधार शिविर जाने पदमार्ग जोखिमयुक्त र घुमाउरो थियो । विसं २०६८ मा नारच्याङका बासिन्दाले आधार शिविर जोड्ने पदमार्ग पहिचान गरेका थिए । नारच्याङबाट तेस्रो दिनमै आधार शिविर पुग्न सकिन्छ ।

पर्यटन विभागले दुई करोड बढीको लागतमा हुमखोलादेखि आधार शिविर जोड्ने पदमार्गको स्तरोन्नति गर्न शुरु गरेको छ । जोखिमपूर्ण र कठिन भएकाले आरोहण गर्नेको सङ्ख्या कम भएको हो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नयाँ सरकार गठनका लागि दलहरुलाई राष्ट्रपतिद्वारा तीन दिनको समय

काठमाडौं । प्रधानमन्त्री केपी शर्मा ओलीले संसदमा विश्वासको मत प्राप्त गर्न नसकेपछि नयाँ

विगतका गल्तीहरुलाई सच्याउन र पार्टी एकतालाई नखल्बल्याउन ओलीलाई माधव नेपालको चेतावनी

काठमाडौं । नेकपा एमालेका वरिष्ठ नेता माधवकुमार नेपालले प्रधानमन्त्री केपी शर्मा ओलीलाई देश,

बहुमतको प्रधानमन्त्री नियुक्तिको प्रक्रिया प्रारम्भ गर्न राष्ट्रपतिलाई देउवा, प्रचण्ड र उपेन्द्र यादवको आग्रह

काठमाडौं । प्रधानमन्त्री केपी शर्मा ओली संसदमा विश्वासको मत लिन असफल भएपछि नयाँ

ओलीले मधेसी दललाई फकाउनुको उद्देश्य राजनीतिक स्वार्थ बाहेक केही छैनः उपेन्द्र यादव

काठमाडौं । जनता समाजवादी पार्टी अध्यक्ष उपेन्द्र यादवले प्रधानमन्त्री केपी शर्मा ओलीलाई संघीयता