आहा ! रुवीभ्याली
धादिङ । धादिङवेशीबाट पनि एक दिन गाडीमा र अर्को दिन पैदल यात्रा गरेर पाङसाङ पास पुग्न सकिन्छ । पाङसाङ पास हुँदै झरेपछि रुवीभ्याली गाउँपालिकाको गाउँबस्तीहरुमा पुगिन्छ । जहाँ उत्तरी धादिङको ग्रामिण जीवनशैली, तामाङ संस्कृति र परम्परा अवलोकन गर्न सकिन्छ । पाङसाङ पासबाट करिव २ देखि ३ घण्टाको पैदल यात्रापछि अर्को भ्युटावर पुग्न सकिन्छ जहाँबाट लाङटाङ लिरुङ अन्नपूर्ण, मनास्लु हिमाल, गणेश हिमालजस्ता हिमालहरुको मनोरम दृश्य देख्न सकिन्छ ।
रुवीभ्यालीको सवैभन्दा आकर्षक ठाउँ हो ‘पाङसाङ पास’ । समुद्री सतहदेखि ३ हजार ८ सय ५० मिटर उचाइमा रहेको यो पाङसाङ पासबाट मनोरम हिमश्रृंखलाहरु, सुन्दर पहाडी प्राकृतिक छटाहरु अवलोकन गर्न सकिन्छ।
photo: Lhapsangkarpo Treks And expedition Pvt. Ltd.