बालसचेतना केन्द्र समस्यामा परेकाहरुलाई खाना खुवाउने अभियान संचालन गर्दै



काठमाडौं । बालसचेतना केन्द्र नेपालले दैनिक खाद्य वस्तुको अभावमा भोकले पीडित भएकाहरुलाई लक्षित गर्दै काठमाडौँका विभिन्न स्थानमा निःशुल्क खाना वितरण गर्दै आएको छ ।

कोरोना भाइरस रोकथाम तथा नियन्त्रणका लागि लकडाउन सुरु भएदेखि नै निरन्तर खाद्यान्न सामग्री वितरण गर्दै आएको संस्थाले पछिल्लो समय सडक बालबालिका, अपाङ्गता भएका व्यक्ति र मजदुरहरुलाई खाना वितरण गर्दै आएको हो । संस्थाका अध्यक्ष बाबुराम फुयाँलले खानै नपाएर मान्छेले ज्यान गुमाउनुपर्ने अवस्था आउन नदिनको लागि निःशुल्क खाना वितरण अभियान संचालन गरिएको बताए । संक्रमणको जोखिमका कारण एकै ठाउँमा भेला हुन नदिएर तयारी खाना वितरण गरिएको उनले बताए ।

यो अभियानलाई आवश्यकता अनुसार जुनसुकै समयमा निरन्तरता दिने योजना रहेको अध्यक्ष फुयाँलले बताए । दाताहरुबाट पनि केही सहयोग पाएको संस्थाले अहिले दैनिक २ सय ५० जना भन्दा बढीलाई खाना खुवाउँदै आएको छ । भदौ २८ गतेबाट यो अभियान सुरु गरिएको हो । संस्थाले विगत ९ वर्षदेखि विशेषगरी महिला तथा बालबालिकाहरुका लागि विभिन्न जनचेतनामुलक तथा सिपमुलक तालिमहरु पनि संचालन गर्दै आएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नारायणगढ–मुग्लिन सडकखण्डका थप तीन पुल संचालनमा आउँदै

  चितवन । नारायणगढ–मुग्लिन सडकखण्डका थप तीन पुल यसै साता सञ्चालन आउने भएका

शुक्लाफाँटाका बेरोजगारलाई सय दिनको रोजगारी

कञ्चनपुर । प्रधानमन्त्री रोजगार कार्यक्रमअन्तर्गत शुक्लाफाँटा नगरपालिकामा ५९ जनालाई सय दिनको रोजगारी उपलब्ध

कृष्णबहादुर महरालाई ४ दिन थुनामा राख्न अदालतको अनुमति

काठमाडौं । पूर्वसभामुख एवं नेकपा माओवादी केन्द्रका उपाध्यक्ष कृष्णबहादुर महरालाई अदालतले चार थुनामा

मेलम्चीको पानी बाह्रै महिना वितरण गर्न ‘हेडवर्क्स’ स्थानान्तरणको तयारी

  काठमाडौँ ।  सरकारले मेलम्ची खानेपानी आयोजनाको पानी उपभोक्तालाई बाह्रै महिना वितरण गर्ने