काठमाडौंको सीतापाइलामा युवतीमाथि एसिड प्रहार
काठमाडौँ । काठमाडौंको सीतापाइलामा बिहीबार राति एक युवतीमाथि एसिड प्रहार भएको छ । ओखलढुंगाकी २२ वर्षीया पवित्रा कार्कीमाथि एसिड प्रहार भएको हो । राति दही किन्न निस्किएका कार्कीमाथि अज्ञात व्यक्ति एसिड प्रहार गरी फरार भएका थिए ।
कार्कीको कीर्तिपुरस्थित कीर्तिपुर अस्पतालमा उपचार भइरहेको छ । उनको हात र अनुहारमा एसिड परेको बताइएको छ । प्रहरीले एसिड प्रहार गर्ने व्यक्तिको खोजी गरिरहेको जनाएको छ ।
