थुनामुक्त भए पूर्वडिआईजी रञ्जन कोइराला
काठमाडौं । श्रीमती हत्या अभियोगमा जेल परेका सशस्त्र प्रहरी बलका पूर्वडिआईजी रञ्जन कोइराला बिहीबार थुनामुक्त भएका छन् । । श्रीमती गीता ढकालको हत्या अभियोगमा जेल परेका कोइराला बिहीबार डिल्लीबजार कारागारबाट थुनामुक्त भएका हुन् ।
श्रीमती हत्या मुद्दामा जिल्ला र पुनरावेदन अदालतले गरेको जन्मकैदको फैसला गत असार १५ गते सर्वोच्च अदालतले घटाएर ८ वर्ष ६ महिनामा झारेपछि उनी थुनामुक्त भएका हुन् । पूर्वडीआइजी कोइराला साढे ११ वर्ष कैद छुट पाएका थिए । कोइरालाले श्रीमतीलाई तत्काल आवेशमा आई हत्या गरेको देखिएकाले र गीताको मृत्युपछि दुई छोराको हेरचाह, संरक्षण र शिक्षादीक्षामा दूरगामी प्रभाव पर्न जाने हुँदा सजाय घटाइएको उल्लेख छ ।
सशस्त्र प्रहरीका तत्कालीन डिआईजी कोइरालाले शव ०६८ पुसममा श्रीमती गीता ढकालको हत्या गरी आफ्नै गाडीमा राखेर मकवानपुरको टिष्टुङ गाविस वडा नं ८ मेत्राङ भन्ने स्थानमा लगेर जलाएका थिए । गीताको कोइरालाका ससुरा हरेराम ढकालले छोरीको हत्या गरेको भन्दै ज्वाइँविरुद्ध कर्तव्य ज्यान मुद्दामा उजुरी दिएका थिए ।
