यसरी गरे खोकनावासीले रोपाइँ(भिडियोसहित)

ललितपुर । ललिपुरको खोकनावासीले शनिबार खेतमा रोपाइँ गरेका छन् । असार १५ र २० गतेको रोपाइँमा प्रहरीले अवरोध गरेपनि आज भने प्रहरीको उपस्थित भएको थिएन ।

काठमाडौँ तराई जोड्ने फास्ट ट्रयाक र अन्य विविध परियोजनाले खोकना र बुङ्गमतीको संस्कृति र सम्पदा मासिने साथै उचित मुआब्जा नदिएर सरकारले बलजफ्ती आफूहरुको जग्गा अतिक्रमण गरेको आरोप लगाउँदै स्थानीयले रोपाइँ गरेका हुन् ।

यसअघि प्रहरीले रोपाइँ गर्न नदिएपछि प्रहरी र स्थानीयबीच झडप भएको थियो । त्यसक्रममा प्रहरीले अश्रुग्याँस प्रहार गरेको थियो भने सुरक्षाकर्मी र प्रहरी दुबैतर्फका केही घाइते भएका थिए ।