वीरेन्द्र, शम्भू र राजु सदाको परिवारलाई पाँच/पाँच लाख रुपैयाँ प्रदान
जनकपुरधाम । मुख्यमन्त्री लालबाबु राउतले विभिन्न घटनाका तीन पीडित परिवारलाई पाँच÷पाँचलाखको चेक हस्तान्तरण गरेका छन् ।
लकडाउनका कारण मुलुकमा प्रवेश गर्न नपाई जटही नाकामा ज्यान गुमाउने शहीद नगर नगरपालिका वडा नम्बर ९ का वीरेन्द्र गुरमैता यादव, प्रहरी हिरासतमा मृत्यु भएका सबैला नगरपालिका १२ का शम्भु सदा र आइसोलेशनमा मृत्यु भएका हंसपुर नगरपालिकाका राजु सदाको परिवार लाई मुख्यमन्त्री राउतले पाँच÷पाँच लाखको चेक हस्तान्तरण गरेका हुन् ।
मुख्यमन्त्री राउत सहितको टोली तीन वटै पीडित परिवारको घरमै पुगेर चेक हस्तान्तरण गरेका छन् । उक्त अवसरमा मुख्यमन्त्री राउतले पीडित परिवार प्रति समवेदना ब्यक्त गर्दै प्रदेश सरकारले क्षमता अनुसारको सहयोग उपलब्ध गराएको बताए । साथै घटनामा दोषी देखिएकाहरु माथि कारबाहीको लागी प्रदेश सरकार हर सम्भव प्रयास गर्ने प्रतिवद्धता समेत उनले जनाए ।
