कोभिड-१९ बारे जनचेतना फैलाउने पुस्तक प्रकाशन



काठमाडौं । नेपाल मुद्रण उद्योग महासंघले कोभिड–१९ संक्षिप्त जानकारी तथा कार्यस्थलको तयारी पुस्तिका प्रकाशन गरेको छ । विश्वभरी महामारीको रुपमा फैलिएको कोभिड–१९ को संक्रमणको कारण लाखौले ज्यान गुमाईसकेका र लाखौं संक्रमित भईसकेको वर्तमान अवस्थामा नेपालमा पनि संक्रमण दिनहुँ बढिरहेकोले कोभिड १९ बाट सुरक्षित रहन जनचेतना फैलाउने उद्देश्यले यो पुस्तक प्रकाशन गरिएको प्रकाशन समितिका संयोजक अरुण सापकोटाले जानकारी दिए ।

उक्त पुस्तक वितरणको शुभारम्भ कार्यक्रममा नेपाल मुद्रण उद्योग महासंघका अध्यक्ष पुस्कल गौतमले उक्त पुस्तक उद्योग व्यवसाय लगायत विभिन्न क्षेत्रमा कार्यरत कर्मचारी तथा सम्पुर्ण नेपालीहरुलाई समेत कोभिड १९ को संक्रमणबाट बच्न र सुरक्षित रहन महत्वपूर्ण भूमिका निर्वाह गर्न सक्ने बताए । साथै कोभिड १९ को कारण समस्यामा परेका मुद्रण उद्योगी÷व्यवसायीहरुप्रति राज्यउदार हुन नसकेकोमा दुःख व्यक्त गर्दे उद्योगी÷व्यवायीहरुलाई यो संकटको समय संरक्षण गर्न सरकार अगाडि बढ्नुपर्नेमा जोड दिँदै सवारी साधन संचालनमा जोर विजोर प्रणाली लागू गर्दा उद्योगी/व्यवसायीलाई समस्या परेकोले यातायातका साधनको वैकल्पिक व्यवस्थान हुँदासम्म जोर–विजोर प्रणाली खारेज गर्नुपर्नेमाजोड दिए ।

कोभिड–१९ को बारेमा संक्षिप्त जानकारी, संक्रमण नियन्त्रण गर्न अपनाउनुपर्ने सावधानी, कार्यक्षेत्रमा पर्नसक्ने असरहरु, कार्यस्थल सुरक्षा तथा सहजताको लागि योजना तथा कार्यविधि, संक्रमण हुनसक्ने जोखिमअनुसार वर्ग विभाजन, फोहोरको व्यवस्थापन तथा परीक्षण सम्बन्धी जानकारी लगायतका विषयहरु समेटेर तयार पारिएको उक्त कोभिड– १९ संक्षिप्त जानकारी तथा कार्यस्थलको तयारी पुस्तक लेखन तथा सम्पादन वरिष्ठ फर्मासिष्ट विवेकसिंह महत र फर्मासिष्ट चन्द्रिका अधिकारीले गरेका थिए ।

५८ पृष्ठ रहेको उक्त पुस्तकबारे प्रकाश पार्दै लेखक महतले यो पुस्तकले कोभिड–१९ नियन्त्रण तथा जनचेतनाको लागि महत्वपूर्ण भूमिका खेल्न सक्ने उल्लेख गरेका थिए । निःशुल्क वितरण गरिने उक्त पुस्तक प्रकाशनमा महत्वपूर्ण सहयोग पुर्याउने गोपाल प्रसाद ढकाल, श्याम गैरे र लेखकद्वयलाई सम्मानगरिएको थियो । उक्त पुस्तकबारे मुद्रण उद्योग महासंघका निवर्तमान अध्यक्ष माधव केसी, महासचिव यूबराज श्रेष्ठ, सल्लाहकार भरत श्रेष्ठ, काठमाण्डौ मुद्रण उद्योग संघका अध्यक्ष घननारायण श्रेष्ठ,सल्लाहकार प्रेम उपाध्याय र ललितपूर मुद्रण उद्योगसंघका अध्यक्ष कमल पोखरेलले प्रकाश पारेका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
जहरसिंहपौवामा प्रथम सेनापति बस्न्यातको शालिक निर्माण हुने

काठमाडौं । नेपाल एकीकरणका प्रथम सेनापति शिवरामसिंह बस्न्यातको पूर्णकदको शालिक निर्माण गरिने भएको

जाजरकोटमा युवकलाई डोरीले बाँधेर कुटपिट गर्ने वडाअध्यक्ष पक्राउ

जाजरकोट । जाजरकोटको जुनीचाँदे गाउँपालिका वडा नम्बर दुईका वडा अध्यक्ष रामबहादुर नेपाली पक्राउ

चितवन राष्ट्रिय निकुञ्जको मध्यवर्ती क्षेत्रमा पोथी गैँडा मृत फेला

चितवन । चितवन राष्ट्रिय निकुञ्जको मध्यवर्ती क्षेत्रमा एउटा पोथी गैँडा मृत फेला परेको

गोङ्गबुबाट पेस्तोलसहित तीनजना पक्राउ

काठमाडौं । नेपाल प्रहरीले काठमाडौँको गोङ्गबुबाट पेस्तोलसहित तीन जनालाई पक्राउ गरेको छ ।