भर्चुअल मिटिङका बेला अश्लिल दृष्य प्रसारणबारे छानबिन सुरुः पर्यटन बोर्ड
काठमाडौं । नेपाल पर्यटन बोर्डले सोमबार आयोजना गरेको भर्चुअल मिटिङका बेला भएको घटनाबारे क्षमा मागेको छ । बार्डले विज्ञप्ति जारी गरी मिटिङका क्रममा हृयाक भएर असामान्य परिस्थिति सिर्जना भएको उल्लेख गरेको छ ।
पर्यटन क्षेत्रको व्यवसाय सञ्चालनका लागि बनेको निर्देशिका जारी गर्न आयोजना भएको मिटिङका दौरान संस्कृति, पर्यटन तथा नागरिक उड्डयन मन्त्री योगेश भट्टराईले सम्बोधन गर्ने क्रममा पोर्न भिडियो बजेको थियो । घटना कसरी भयो भन्ने सम्बन्धमा बोर्डले छानविन प्रक्रिया अगाडी बढाइसकेको समेत उल्लेख गरेको छ ।
