सुर्खेतमा क्वारिन्टिनबाट घर फर्केका एक युवकको मृत्यु



सुर्खेत । सुर्खेतको पञ्चपुरी नगरपालिका वडा नम्बर १ हाँसेगाउँका २० वर्षीय युवकको बिहीबार बिहान मृत्यु भएको छ । इलाका प्रहरी कार्यालय बाबियाचौरका प्रहरी निरीक्षक असरथ अलि अन्सारीका अनुसार भारतको मुम्बईबाट जेठ ९ गते सुर्खेत आएका उनको आज बिहान निधन भएको हो ।

‘उनी यहाँ आइसकेपछि पञ्चपुरी नगरपालिका वडा ९ को विद्यापुरमा रहेको जनता माध्यमिक विद्यालयमा निर्माण गरिएको क्वारेन्टाईनमा उनी बसेका थिए । बुधबार साढे चार बजे उनको आरडिटी जाँच गरिसकेपछि उनको नतिजा नेगेटिभ आएको थियो । त्यसपछि उनी साढे चार बजे आफ्नो घरतिर लागेका थिए,’ उनले भने, ‘उनी आज बिहान साढे १२ बजे घर पुगेका रहेछन् । उनका दाजुका अनुसार उनको घरबाट साढे चार सय मिटरको दुरीमा मौरी पालनका लागि घर निर्माण गरिएको छ । सोही घरमा क्वारेन्टाईनमा बस्न उनी त्यहाँ गएका थिए । राती एक्कासी ती युवालाई श्वास फेर्न गाह्रो भयो । त्यसपछि उनको निधन नै भयो ।’

स्वास्थ्यकर्मीको टोली उनको स्वाव संकलन गर्नका लागि उक्त तर्फ प्रस्थान गरिसकेको पञ्चपुरी नगरपालिकाका नगर प्रमुख उपेन्द्र थापाले जानकारी दिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
चितवन र बाँकेमा गरी थप दुई जना कोरोना संक्रमितको मृत्यु

चितवन । कोरोना सङ्क्रमणका कारण एक जना प्रहरी हवल्दारको मृत्यु भएको छ ।

अमेरिकाले नेपाललाई दिने सहयोगलाई निरन्तरता दिने

काठमाडौं । अर्थमन्त्री विष्णुप्रसाद पौडेल र नेपालका लागि अमेरिकी राजदूत र्याण्डी बेरीबीच भएको

मसिर ९ गतेदेखि कक्षा १२ को परीक्षा (तालिकासहित)

काठमाडौँ । राष्ट्रिय परीक्षा बोर्डले मंसिर ९ गतेबाट कक्षा १२ को परीक्षा संचालन

कोरोना संक्रमितको निःशुल्क उपचारका लागि सरकारलाई दबाब दिनुपर्छः डा.केसी

नेपाल सरकारले हालै कोभिडको उपचार खर्च नव्यहोर्ने निर्णय गरेको छ । स्मरण रहोस्,