एमसीसी अनुमोदन नगर्न माग गर्दै माइतीघर क्षेत्रमा प्रदर्शन
काठमाडौं । अमेरिकी सहयोग मिलेनियम च्यालेन्ज कर्पोरेसन (एमसीसी)को विरोध गर्न काठमाडौंको माइतीघर मण्डला पुगेका प्रदर्शनकारीमाथि प्रहरीले हस्तक्षेप गरेको छ । आइतबार नेपालका लागी नेपाली अभियान लगायतका युवा संस्थाहरुको संयुक्त आयोजनामा एमसीसीको विरोध हुँदा प्रहरीले हस्तक्षेप गरेको हो ।
प्रहरीले सीमित स्थानमा मात्र बसेर प्रदर्शन गर्न आग्रह गर्दा पनि प्रदर्शनकारीले प्रहरी घेरा तोडेपछि पानीको फोहराले प्रदर्शनकारीलाई तितरवितर पारिएको थियो । सो क्रममा केही प्रदर्शनकारी घाइते भएका छन् । घाइतेलाइ प्रहरीले नै भ्यानमा राखि उपचारका लागि लगेको थियो ।
उनीहरुले एमसीसी नेपालको हितमा नरहेको भन्दै नारावाजी गरेका थिए । त्यस्तै उनीहरुले रुकुम घटनाको विरोधमा पनि नारावाजी गरेका थिए ।
