गुल्मीका कोरोना संक्रमित शिक्षकको उपचार जारी छः क्रिमसन अस्पताल

काठमाडौं । कोरोना भाइरस संक्रमणका कारण गम्भीर अवस्थामा रुपन्देहीको तिलोत्तमास्थित क्रिमसन अस्पतालमा उपचाररत गुल्मीका शिक्षकको मृत्यु भएको भन्दै आएका समाचारप्रति अस्पतालले आपत्ति जनाएको छ ।

बुधबार मध्यान्ह विज्ञप्ति जारी गरी अस्पतालले विरामीको स्वास्थ्य गम्भीर तर स्थिर रहेको भन्दै गलत समाचारको पछि नलाग्न आग्रह गरेको हो । अस्पतालले विरामीको आइसियुमा भेन्टिलेटर सपोर्टका साथ उपचार भइरहेको पनि जनाएको छ । विभिन्न अनलाईनहरुले विरामीको मृत्यु भएको भन्दै समाचार प्रकाशन गरेका थिए ।