काठमाडौं उपत्यकाबाट गाउँ फर्किनेको भिड
काठमाडौं । काठमाडौंमा अलपत्र परेका आफ्ना क्षेत्रका नागरिकलाई स्थानीय निकायहरुले सवारीसाधनको व्यवस्था गरी लैजाने व्यवस्था गरेपछि काठमाडौंको कोटेश्वर र जडिबुटी क्षेत्रमा घरजानेको भिड लागेको छ ।
लकडाउन लम्बिँदै गएपछि काठमाडौंमा समस्यामा परेका मानिसहरु हिंडेरै घर जान थालेको र त्यसले थप जोखिम निम्त्याउने भएपछि अधिकांश स्थानीय तहले आफै सवारीसाधनको व्यवस्था गरी लैजान थालेका हुन् । मंगलबार काठमाडौंको कोटेश्वर र जडिबुटी क्षेत्रमा घर जाने मानिसहरुको भिड लागेको थियो ।
