शंकर ग्रुपका सञ्चालक थर्मलगन कालोबजारी गरेको आरोपमा पक्राउ
काठमाडौँ । थर्मलगनमा कालोबजारी गरेको आरोपमा शंकर ग्रुपका सञ्चालक सुलभ अग्रवाल पक्राउ परेका छन् । महानगरीय अपराध महाशाखाको टोलीले अग्रवाललाई मंगलबार बिहान पक्राउ गरेको हो ।
अग्रवालले ५ हजार रुपैयाँमा पाइने थर्मलगन १५ हजारसम्म लिएर बिक्री गरेका प्रहरीले जनाएको छ । उनको साथबाट प्रहरीले ६७ थान थर्मलगन पनि बरामद गरेको छ । किर्गिस्तानका अवैतनिक दूतसमेत रहेका अग्रवालले गतसाता मात्रै नेपाल एयरलाइन्सको जहाजमार्फत् चीनबाट २० हजार थान थर्मल गन ल्याएको खुलेको छ ।
