कोरोनाको नमूना लिन गएको निगमको जहाज नेपालगंजमा विमानस्थलमा चिप्लिएर दुर्घटना
नेपालगंज । राष्ट्रिय ध्वजाबाहक नेपाल वायु सेवा निगमको वाई १२ जहाज नेपालगञ्ज विमानस्थलको धावनमार्गमा चिप्लिएर दुर्घटना भएको छ । कोभिड–१९ का सम्भावित सङ्क्रमितका नमूना लिन गएको निगमको चार्टर्ड उडानको जहाज धावनमार्गमा अवतरणका क्रममा चिप्लिएको हो । जहाजमा सवार सबै व्यक्ति सकुशल रहेको र जहाज धावनमार्गबाट चिप्लिएर घाँसेमैदानतर्फ पुगेको निगमका प्रवक्ता अर्चना खड्काले जानकारी दिइन् ।
फोटोः विष्णु क्षेत्री
