महाशिवरात्रीको पूर्वसन्ध्यामा पशुपति क्षेत्रमा शोभायात्रा

काठमाडौं । महाशिवरात्रीको पूर्वसन्ध्यामा पशुपति क्षेत्रमा शोभायात्रा गरिएको छ । महाशिवरात्रीमा धेरैभन्दा धेरै धार्मिक पर्यटक भित्राउने उद्देश्यसहित शोभायात्रा गरिएको पशुपति क्षेत्र विकास कोषले जनाएको छ ।

मंगलबार बिहान पशुपतिनाथ मन्दिरको पश्चिम गेटबाट सुरु गरेको शोभा यात्रा वनकाली, तिलगंगा, तीनकुने, नयाँबानेश्वर, पुरानो बानेश्वर, गौशाला हुँदै हंसमण्डपसम्म पुगेको थियो ।