अख्तियारद्वारा सडक डिभिजनका प्रमुख चौधरीविरुद्ध भ्रष्टाचार मुद्दा दायर



काठमाडौं । अख्तियार दुरुपयोग अनुसन्धान आयोगले विभिन्न आयोजनाको ‘मोबिलाइजेसन’ खर्च दिने क्रममा सेवाग्रहीसँग ठूलो मात्रामा कमिसन लिएको आरोपमा सडक डिभिजन कार्यालय विराटनगरका सिनियिर डिभिजनल इन्जिनियर जितेन्द्रकुमार चौधरीविरुद्ध शुक्रबार विशेष अदालतमा मुद्दा दायर गरेको छ ।

चौधरीले कार्यालय प्रमुखको भूमिकामा रहँदा स्वीकृत आयोजनाको मोविलाइजेशन खर्च भुक्तानीको लागि कमिसनबापत ३५ लाख गैरकानूनी रुपमा लिएको आयोगले आरोप लगाएको छ । निजले कमिसनबापत लिएको रकम श्रीमतीको बैंक खातामा जम्मा गर्न लगाएको अनुसन्धानबाट खुलेको आयोगका प्रवक्ता प्रदीपकुमार कोइरालाले जानकारी दिए ।

यसैगरी आयोगले खानेपानी उपभोक्ता समितिको अध्यक्षसमेत आफै बनी, कीर्ते कागजपत्र बनाइ रकम हिनामिना गरेको आरोपमा सिन्धुपाल्चोकको लिसङ्खुपाखर गाउँपालिका वडा नं ६ का वडाध्यक्ष कैलाश थापालगायत छ जनाविरुद्ध आरोपपत्र दायर गरेको छ ।

वडाध्यक्ष थापाले मायाखोला खानेपानी मुहानलाई पैसा र पाइप खरिद गरेको खर्च देखाई रु ६ लाख हिनामिना गरेको आयोगले आरोप लगाएको छ । सोही घटनामा संलग्न उक्त गाउँपालिकाका तत्कालीन प्रमुख प्रशासकीय अधिृकत निरन्जन पाख्रिन, तत्कालीन लेखापाल सुरेन्द्रबहादुर तितजुका, तत्कालीन असिस्टेन्ट सब–इन्जिनियर लिलबहादुर पाण्डे, सोही गाउँपालिकाको वडा नं ५ का बाबुलाल जोशी र दलबहादुर श्रेष्ठविरुद्ध पनि आरोपत्र दायर गरिएको आयोगले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
४५ लाखको चेक र चार लाख घुससहित दुई कृषि प्राविधिक अख्तियारको नियन्त्रणमा

काठमाडौँ । अख्तियार दुरुपयोग अनुसन्धान आयोगको टोलीले ५४ लाख भन्दाबढी नगद र चेकसहित

बर्दियामा हात्तीको आक्रमणबाट एकको मृत्यु, एक घाइते

गुलरिया (बर्दिया) । बर्दियामा हात्तीको आक्रमणमा परी सोमबार एकको मृत्यु भएको छ भने

कालिकोटमा चट्याङ लागेर १४ भेडा मरे

मान्म (कालीकोट) । कालीकोटमा चट्याङ लागेर १४ भेडा मरेका छन् । जिल्लाको खाँडाचक्र

कालीकोटमा ट्याक्टर दुर्घटना हुँदा चालकको मृत्यु, दुई घाइते

मान्म (कालीकोट) । कालीकोटको रास्कोट नगरपालिका–५ आरसिपी बजार नजिकै ट्याक्टर दुर्घटना हुँदा चालकको