यौन दुव्र्यवहारको आरोप लागेका एसएसपी राणाद्वारा प्रहरीसमक्ष आत्मसमर्पण
काठमाडौँ । यौन दुव्र्यवहारको आरोप लागेका नेपाल प्रहरीका एसएसपी शौरभ शमशेर राणाले जिल्ला प्रहरी कार्यालय सुनसरीमा आत्मसमर्पण गरेका छन् ।
धरानकी एक महिलामाथि यौन दुव्र्यवहार गरेको आरोपमा गृह मन्त्रालयले राणालाई बिहीबार निलम्बन गरेको थियो। निलम्बनको भोलिपल्ट शुक्रबार ती महिलाले राणाले आफूमाथि बलात्कार गरेको आरोपमा सुनसरी प्रहरीमा जाहेरी थिइन् ।
राणामाथि यौन दुव्र्यवहारको आरोप लागेपछि गृहमन्त्रालयका सहसचिव इन्दु घिमिरेको संयोजकत्वमा ३ सदस्यीय छानबिन समिति गठन गरिएको थियो । समितिले राणामाथि थप अनुसन्धान गर्नुपर्ने राय दिएको थियो । राणालाई सुनसरी प्रहरीको नियन्त्रणमा राखिएको छ ।
