साउना गएका दम्पतिको निसास्सिएर मृत्यु
काठमाडौं । साउना गएका एक दम्पतिको निसास्सिएर मृत्यु भएको छ । ललितपुर महानगरपालिका वडा नम्बर १४ विशालचौकस्थित फिट एण्ड फाइन जिमखानाको साउनामा वाफ लिन गएका श्रीमान श्रीमतीको बुधबार राति मृत्यु भएको हो ।
महानगरीय प्रहरी परिसर ललितपुरका अनुसार मृत्यु हुनेमा ४० वर्षीय हस्त मगर र ३७ वर्षीया नेत्रकुमारी मगर छन् । जिम सकेर दम्पत्ति साउना बाथ लिन गएको र ढिलोसम्म ढोका नखोलेपछि सञ्चालकले प्रहरीलाई खबर गरेको प्रहरीले जनाएको छ । उनीहरूलाई तत्काल पाटन अस्पताल ल्याइएकोमा अस्पताल ल्याउनासाथ चिकित्सकले मृत घोषणा गरेका थिए ।