विदेश पठाइदिन्छु भन्दै ठगी गरेको आरोपमा शिवानन्द स्वामी पक्राउ
काठमाडौं । विदेश पठाइदिन्छु भन्दै ठगी गरेको आरोपमा शिवानन्द स्वामी नामले परिचित दीपक भण्डारी पक्राउ परेका छन् । महानगरीय अपराध महाशाखाको टोलीले उनलाई सोमबार बिहान पक्राउ गरेको हो ।
प्रहरीका अनुसार शिवानन्द आफू तन्त्रविद्याको गुरु भएको दाबी गर्थे । विदेश पठाइदिने भन्दै उनीहरूबाट शिवानन्दले ४० लाख रुपैयाँ बढी रकम लिइएको प्रहरीले जनाएको छ । उनले दहचोकमा आश्रम निर्माण गर्न लागेका छन् । पीडितहरू विदेश जान नपाएपछि प्रहरीको शरणमा पुगेका थिए ।