पर्यटन वर्षलाई सफल पार्न बौद्धनाथ क्षेत्र विकास समितिले सप्ताहव्यापी कार्यक्रम
काठमाडौं । सरकारले २० लाख पर्यटक भित्राउने उद्देश्यले नेपाल भ्रमण वर्ष २०२० को शुभारम्भ गरेसँगै बौद्धनाथ क्षेत्र विकास समितिले सप्ताह व्यापी कार्यक्रम गरिरहेको छ ।
कला संस्कृतिमार्फत पर्यटन र पर्यटकलाई सम्बोधन गर्न साङ्गीतिक कार्यक्रमहरू गरिरहेको बौद्धनाथ क्षेत्र विकास समितिले जनाएको छ । गत बुधबारदेखि सुरु भएको कार्यक्रममा शुक्रबारबाट साङ्गीतिक कार्यक्रम शुरु भएको छ ।
आगामी बिहीबारसम्म चल्ने विभिन्न प्रकारका साङ्गीतिक प्रस्तुतिहरुले सरकारले पर्यटन क्षेत्रलाई विशेष प्राथमिकतामा राखेको समितिका अध्यक्ष चन्द्रमान लामाले बताए । उनले भ्रमण वर्ष सफल हुनेमा आफू पूर्ण विश्वस्त रहेको पनि बताए ।
साङ्गीतिक कार्यक्रमको समापनपछि कलाकारहरूलाई बौद्धनाथ क्षेत्र विकास समितिका अध्यक्ष लामाले खादा तथा मायाको चिनोद्वारा सम्मान गरेका थिए ।
