भारत लगेर युवतीलाई बलि दिने योजनामा सलग्न सात जना पक्राउ



काठमाडौं । मोडलिङ गर्ने भन्दै एक युवतीलाई विराटनगर पुर्याई सीमा पार गराई तान्त्रिक पूजा गरी बलि दिने योजनामा संलग्न सात जनालाई महानगरीय प्रहरी परिसर काठमाडौले पक्राउ गरी सार्वजनिक गरेको छ ।

प्रहरीले बिहीबार पत्रकार सम्मेलन गरी पक्राउ गरेकालाई सार्वजनिक गरेको हो । प्रहरीले नवलपरासीका वर्ष २६ बर्षीय कृष्ण तामाङ, सप्तरीका उमेश शाह, दाङकी दिल कुमारी बुढामागर, सप्तरीका उमेश माझी, विराटनगरका दिलिप पोदार, धादिङ्गका प्रेमा तामाङ र सुनसरीका रञ्जित कुमार चौधरीलाई सार्वजनिक गरेको हो ।

अनुसन्धानका क्रममा युवतीलाई मोडलिङका लागि छानिएको र नेपाल भारत सीमामा बृत्तचित्र छायांकन गर्नुपर्ने भन्दै त्यसबापत राम्रो रकम दिने प्रलोभन देखाएको खुल्न आएको प्रहरीले जनाएको छ ।

प्रहरी उपरीक्षक अशोक सिंहले मोटो रकम पाउने आशामा युवतीलाई विराटनगर हुँदै तान्त्रिक पूजाका लागि सीमा पार गराउने योजना अनुसार मोडलिङका लागि प्रस्ताव गरेको र युवतीले प्रस्ताव स्विकार गरेको अनुसन्धानबाट खुलेको जानकारी दिए ।

प्रहरीले मुख्य योजनाकार दिलिप पोदारलाई भारत विहार मन्दिरका बाबा लगायत अन्य व्यक्तिले पैसा दिई सम्पर्क गरेको देखिएको, प्रेम, माया र कृष्णले ५ लाख रुपैयाँ पाउने आश्वासन पाएको अनुसन्धानबाट खुलेको जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अमलटारीबाट जङ्गल सफारीको अनुमतिले पर्यटन व्यवसायी उत्साहित

नवलपुर । पूर्वी नवलपरासीकोे अमलटारीबाट जङ्गल सफारीका लागि निकुञ्जले प्रवेश अनुमति दिएपछि अमलटारी

बन्दीपुरको ‘मिनी ग्रेटवाल’ हेर्न पर्यटकको आकर्षण बढ्दो

बन्दीपुर । बन्दीपुर गाउँपालिका–२ स्थित थानीमाई मन्दिरबाट सुरु गरिएको ‘मिनी ग्रेटवाल’ को हालसम्म

फेरि किन गृह मन्त्रालयनै दाबी गर्दैछ राष्ट्रिय स्वतन्त्र पार्टी ?

काठमाडौं । राष्ट्रिय स्वतन्त्र पार्टीले गृह मन्त्रालय नछाड्ने भएको छ । आइतबार पार्टीको

काठमाडौंका मेयरविरुद्ध प्रदर्शन

काठमाडौं । काठमाडौं महानगरपालिकाका मेयर बालेन साहविरुद्ध प्रदर्शन भएको छ । मेयर साहले