दैलेखको ठाटीकाँध गाउँपालिकाका अध्यक्षको अपहरण

दैलेख । दैलेखको ठाटीकाँध गाउँपालिकाका अध्यक्ष धिरबहादुर शाही र उनकी पत्नी इला शाहीलाई अज्ञात समूहले अपहरण गरेको छ । शनिबार मध्यराति उनीहरुलाई अपहरण गरेको धिरबहादुरका भाइ हस्त शाहीले जानकारी दिएका छन् ।

उनका अनुसार अध्यक्ष शाहीको ठाटीकाँध गाउँपालिका वडा नम्बर दुईस्थित श्रीपाटामा रहेको घरबाट सोधपुछ गर्नुछ भन्दै अज्ञात समूहले लिएर गएका हुन् । सो समूहले अफूलाई पनि आधाबाटोसम्म लगेर साढे एक बजेतिर छोडिदिएको हस्तले जानकारी दिए । शाहीदम्पतिलाई विप्लव समूहले अपहरण गरेको आशंका गरिएको छ ।